Yn Ysgol Bro Gwaun, credwn yn llwyr fod yr addysgu yn ymestyn ymhell y tu hwnt i’r ystafell ddosbarth ac y dylai addysg ragorol gynnig ystod eang o weithgareddau cyfoethogi i bob myfyriwr a fydd yn eu cefnogi i fod yn llwyddiannus mewn bywyd. Ochr yn ochr â chwricwlwm academaidd trwyadl, heriol sy’n procio’r meddwl, mae gweithgareddau cyfoethogi yn cynnig cyfle i ddisgyblion ddatblygu ac ymestyn eu sgiliau y tu allan i’r cwricwlwm sydd wedi’i amserlennu.

Mae’r gweithgareddau hyn yn rhoi cyfleoedd i fyfyrwyr ddysgu sgiliau newydd, gwneud ffrindiau newydd ar draws grwpiau blwyddyn a datblygu eu hyder, gwaith tîm a sgiliau cyfathrebu.

Mae cyfleoedd i ymweld â physgodfeydd lleol, dysgu chwaraeon newydd fel rhwyfo, ymweld â thirnodau hanesyddol lleol trwy grwydro a gweithio gyda Chastell Picton i ddatblygu ein llain llysiau ein hunain. Mae clybiau creadigol yn cael eu rhedeg, megis ffotograffiaeth, croes-bwyth a phrosiectau amgylcheddol gyda chysylltiadau â grwpiau cymunedol lle gallwch ddysgu sut i warchod ein harfordir gyda’r Sea Trust.

Mae gweithgaredd cyfoethogi i bawb er mwyn helpu i ddatblygu eu sgiliau annatod a fydd o fudd iddynt drwy gydol eu hamser yn Ysgol Bro Gwaun a thu hwnt.

Mae rhai o’r gweithgareddau a gynigir yn cynnwys: