Ein hysgol

Annwyl Riant / Warcheidwad 

Mae’n bleser mawr gennyf groesawu chi i Ysgol Bro Gwaun.  

Yn ein hysgol, credwn yn gryf fod pob person ifanc yn haeddu’r dechrau gorau posibl yn eu bywydau. Mae ein arwyddair, “Angori doeth, dyfodol disglair”, yn ein hatgoffa bob dydd o’r cydbwysedd rydym yn anelu ato: angori’n gadarn yn ein cymuned, ein hiaith a’n diwylliant Cymreig, a chael yr hyder a’r sgiliau i hwylio’n llwyddiannus i’r dyfodol.  

Rydym yn falch iawn o fod yn ysgol ddwy iaith, lle mae disgyblion yn dysgu ac yn ffynnu trwy gyfrwng y Gymraeg a’r Saesneg. Nid ydym yn gweld dwyieithrwydd fel sgil academaidd yn unig, ond fel rhodd sy’n cryfhau hunaniaeth ac yn agor drysau i gyfleoedd ehangach.  

Mae ein staff yn ymroddedig i sicrhau addysgu a dysgu o’r safon uchaf mewn amgylchedd gofalgar a chynhwysol. Rydym yn gosod disgwyliadau uchel, yn cynnig arweiniad a chefnogaeth gref, ac yn meithrin doniau pob disgybl — boed yn academaidd, yn greadigol, ar y maes chwaraeon neu’n bersonol. Mae perthnasoedd wrth galon popeth a wnawn: partneriaethau cryf gyda theuluoedd, a chreu ymdeimlad gwirioneddol o berthyn i ddisgyblion a staff fel ei gilydd.  

Mae Ysgol Bro Gwaun yn fwy na dim ond ysgol — mae’n gymuned. Cymuned lle mae disgyblion yn cael eu hannog i fod yn uchelgeisiol, yn garedig, yn wydn, ac yn falch o bwy ydynt a ble maent yn dod ohono. Gyda’n gilydd, rydym yn paratoi ein pobl ifanc i gyfrannu’n gadarnhaol, yn lleol ac yn fyd-eang.   

Yr eiddoch yn gywir  

Alana Finn 

Pennaeth 

Personel Allweddol

Os hoffech drafod unrhyw beth pellach neu drefnu ymweliad tu allan i oriau â’r ysgol, cysylltwch â ni drwy ffonio 01348 872268 neu drwy lenwi’r ffurflen gyswllt. Diolch!