Annwyl Blwyddyn 9
Croeso i’n tudalen wybodaeth opsiynau Blwyddyn 9. Rwy’n gobeithio y bydd yn darparu gwybodaeth ychwanegol ddefnyddiol i chi i’ch helpu i ddewis y pynciau yr hoffech eu dilyn ym mlynyddoedd 10 ac 11.
Byddwch yn gwybod bod cryn dipyn o waith paratoi ac ymchwil i’ch diddordebau a’ch opsiynau posibl eisoes wedi digwydd (diolch Miss Bushell). Mae hyn er mwyn sicrhau ein bod yn gallu darparu’r ystod fwyaf bosibl o opsiynau i gwrdd âg anghenion a diddordebau cynifer ohonoch â phosibl. Rydym wedi gwneud hyn trwy gyfres o ddewisiadau opsiwn efelychiedig, y mae’r adborth ohonynt wedi ein helpu i benderfynnu’r blociau opsiynau terfynol. Gobeithiwn y byddwch yn gallu dewis pob un o’r pynciau yr ydych am eu dilyn, ond gwyddom hefyd o brofiad y gallai rhai o’r pynciau hyn ‘wrthdaro’ â’ch dewisiadau eraill yn yr un bloc opsiynau. Mae hyn yn fai anochel o’r broses opsiynau mae gen i ofn, ac yn un rydyn ni wedi ceisio ei lleihau trwy ein proses baratoi. Ni ellir newid y blociau opsiynau terfynol hyn, ond gobeithiwn eu bod yn darparu digon o amrywiaeth y byddwch yn gallu dewis pynciau gwahanol addas os bydd angen.
Byddwn yn parhau i gael trafodaethau gyda chi am eich dewisiadau. Byddwch hefyd yn cael cyfle cyn diwedd y flwyddyn i gael gwersi ‘blasu’ yn eich pynciau dewisol, ac os ydych chi’n teimlo eich bod chi eisiau newid pynciau, byddwch chi’n gallu, ar yr amod bod y pwnc rydych chi’n symud iddo yn yr un bloc opsiynau ac mae lle yn y pwnc hwnnw i chi. Mae llawer o bobl yn gwneud hyn cyn dechrau’r TGAU ym mlwyddyn 10, felly peidiwch â phoeni y byddwch chi’n ‘styc’ yn y pynciau rydych chi wedi’u dewis ar hyn o bryd.
Yn olaf, rydym yn ymwybodol bod y rhain yn benderfyniadau pwysig i chi. Os ydych am gysylltu â ni gydag unrhyw gwestiynau neu ymholiadau, defnyddiwch y ddolen isod a byddwn yn cysylltu â chi cyn gynted â phosibl.
Pob hwyl blwyddyn 9!
Mr Edwards
Llinell Opsiwn 1
Llinell Opsiwn 2
Llinell Opsiwn 3
Cymraeg
English (UK)